婚禮攝影師5宗罪 怨新娘「你好肥」

拍婚照留倩影，還是存陰影？有新娘呻說遇到可惡攝影師，邊影邊嘮叨，埋怨她「好肥」及「要修圖」，氣得她笑都笑唔出。亦有人列舉攝影師5宗罪，包括態度惡劣，呼喝親友阻住鏡頭，收利市前後兩個樣，以及專影靚姊妹等。

有婚禮統籌籲揀婚攝服務需留意口碑，事前溝通好，免出現落差。

這位新娘指早前拍婚紗相，遇上奄尖攝影師，令拍攝過程蒙上陰影。

左一句『你咁影會好肥㗎』，右一句『睇嚟呢批相要修圖修得好勁』，我聽完真係笑唔出………唔使咁講嘢下嘛。

有網民回應指，有姊妹結婚時，請來攝影師拍snap shot。

當日喺咁踩人裙腳，連對唔住、唔好意思都無句。態度又惡劣，有親友擋住佢影相，就大聲叫：喂！你行開呀！

亦有人說，新人非專業模特兒，提示如何擺姿勢也應客氣點。

收利市前後 判若兩人

Tracy年初結婚，婚攝、租衫及化粧屬一條龍服務，其中攝錄外判給freelancer，婚前兩日才知攝影師是誰。

我想跟攝影師傾流程及要求，但佢話唔需要，電郵流程給他便可！

她惟有照辦，最後收到相片時，發現攝影師常追住某位漂亮姊妹影相，

那位姊妹的個人特寫有十多張，差啲拍得上新娘！

One and Only婚禮統籌師譚海祥指，部分外判攝影師工作馬虎，

斟茶時外母喊到豬頭咁，他竟然冷冰冰拋下一句『夠鐘喇』，明顯趕收工。

亦有攝影師收利市後，才表現殷勤，「未收利市時連燈也不打」，連新人事後也呻，派利市前後輯相截然不同。他提醒新人選擇婚攝服務時，留意口碑及攝影師過往作品，事前說明要求，以減少作品與期望的落差。

攝影師口不擇言 講多錯多

香港專業婚禮統籌協會婚禮統籌總監譚凱恩指個別攝影師跟新人溝通時出現問題。

如攝影師要拍媽媽替新娘穿裙褂的相，新娘自己穿了，攝影師為拍指定鏡頭要新娘除褂再穿，長輩、新娘覺得又着又除不吉利，影響心情。

譚凱恩續指，部分攝影師也會「衰多口」，接新娘時想推高氣氛而「講多錯多」，

例如說開門利市太少真係唔得；或撩兄弟爆新郎舊情史等，

外父外母在場聞言，令場面尷尬。大妗姐黎佩甜則指個別新手攝影師口不擇言，亦會惹怒長輩。

結婚一生一次，斟茶時他們出小差，拍攝不到就說『再嚟過』，老人家會唔鍾意。

▲ 相片來源：晴報

原文刊於《晴報》